HERONES

HERONES

apud Plin. l. 36. c. 14. ubi de Dianae Templo, Summo miracula, epistylia tantae molis attolli potuisse, id consecutus est heronibus harenâ plenis, molli pulvino super capita columnarum exaggerato, paulatim exinaniens imo, ut totum insideret. Turnebo sunt texta quaedam storearum et tegetum more, in quibus interdum pauperes dormiebant, et fruges reponebantur; sed et vasa sic viminea vocabantur, tegetibus similia et cophinis, φορμοὶ Graecis Macri Fratres in Hierol. Vide supra Aerones.